Bókasöfn

Bókasöfnin í Fjarðabyggð eru fimm. Þau eru staðsett í grunnskólunum á Stöðvarfirði, Fáskrúðsfirði, Reyðarfirði, Eskifirði og Norðfirði.  Söfnin búa  yfir góðum safnkosti og boðið er upp á fjölbreytta þjónustu fyrir börn, unglinga og fullorðna, fyrirtæki og stofnanir. Helstu þjónustuþættir eru útlán gagna (s.s. á skáldsögum, fræðibókum, hljóðbókum, tímaritum, myndböndum og myndasögum) og upplýsingaþjónusta.  Á söfnunum eru einnig tölvur ætlaðar lánþegum, ýmist til að skoða margmiðlunardiska, sækja upplýsingar á Internetið eða til ritvinnslu. Aðstoð er veitt við heimildaleit og boðið er upp á lesaðstöðu. Bókasöfnin í Fjarðabyggð eru samsteypusöfn og hýsa því bæði almennings- og skólabókasafn viðkomandi þéttbýliskjarna.

Við kaup á skírteini þarf að sýna persónuskilríki. Börn og unglingar yngri en 18 ára þurfa skriflega ábyrgð foreldris eða forráðamanns. Ábyrgðareyðublöð liggja frammi í afgreiðslu safnanna. Bókasöfnin eru einnig þjónustugátt fyrir bæjarskrifstofu Fjarðabyggðar. Á opnunartíma safnanna er tekið við umsóknum um þjónustu sveitarfélagsins. Hægt er að sækja eyðublöð og fylla þau út á tölvu til útprentunar. Bókasöfnin taka á móti umsóknum og koma þeim til skila á bæjarskrifstofuna á  Reyðarfirði. Jafnframt er aðgangur að tölvu og aðstoð og ráðgjöf um hvernig nálgast má upplýsingar um starfsemi sveitarfélagsins á heimasíðunni. Starfsmenn bókasafnanna veita aðstoð við að finna rétt eyðublöð og benda á hvar hægt sé að leita frekari aðstoðar eða upplýsinga.

Opnunartímar bókasafnanna

 Skóli  Mánudagar  Þriðjudagar Miðvikudagar Fimmtudagar Föstudagar
Norðfjörður 14:00 - 19:00 14:00 - 17:00 14:00 - 17:00 14:00 - 17:00 Lokað
Eskifjörður 14:00 - 17:00
14:00 - 17:00 14:00 - 19:00 14:00 - 17:00 Lokað
Reyðarfjörður 14:00 - 17:00 14:00 - 17:00 14:00 - 17:00 14:00 - 19:00 Lokað
Fáskrúðsfjörður 14:00 - 19:00 Lokað 14:00 - 17:00 Lokað 14:00 - 17:00
Stöðvarfjörður Lokað 15:00 - 19:00 Lokað 15:00 - 17:00 Lokað

Bókasafnið í Neskaupstað

Nesskóli

Bókasafnið í Neskaupstað er til húsa í Nesskóla á jarðhæð, Skólavegi 9, 740 Neskaupstað. Sími: 477-1521. boknes@fjardabyggd.is

Bókasafnið á Eskifirði

Grunnskóli Eskifjarðar að vetri

Bókasafnið á Eskifirði er til húsa í Grunnskóla Eskifjarðar, Lambeyrarbraut 16, 735 Eskifirði.  Forstöðumaður er Guðný Einarsdóttir. Sími: 476-1586. bokesk@fjardabyggd.is

Bókasafnið á Reyðarfirði

Grunnskóli Reyðarfjarðar

Bókasafnið á Reyðarfirði er til húsa í Grunnskóla Reyðarfjarðar á jarðhæð, Heiðarvegi 14a, 730 Reyðarfirði. Forstöðumaður er Guðrún Rúnarsdóttir. Sími: 474-1366. bokrey@fjardabyggd.is

Bókasafnið á Fáskrúðsfirði

Skólamiðstöðin FáskrúðsfirðiBókasafnið á Fáskrúðsfirði er til húsa í Grunnskóla Fáskrúðsfjarðar að Hlíðargötu 56, 750 Fáskrúðsfirði. Forstöðumaður er Linda Hugdís Guðmundsdóttir. Sími: 475-9016,  bokfas@fjardabyggd.is

Bókasafnið á Stöðvarfirði

Stöðvarfjarðarskóli

Bókasafnið á Stöðvarfirði er til húsa í Grunnskólanum á Stöðvarfirði, Skólabraut 20, 755 Stöðvarfirði.  Forstöðumaður er Linda Hugdís Guðmundsdóttir. Sími: 475-9017. boksto@fjardabyggd.is

Ábendingar og kvartanir

Forstöðumaður Safnastofnunar, Pétur Sörensson í síma 470-9063 safnastofnun@fjardabyggd.is

Umsjón og ábyrgð  

Forstöðumenn viðkomandi safna í samvinnu við Safnastofnun Fjarðabyggðar.

Tengd skjöl