Bæjarstjórn

Bæjarstjórn Fjarðabyggðar er skipuð níu bæjarfulltrúum sem kosnir eru til fjögurra ára í almennum kosningum til sveitarstjórna. Hún fer með yfirstjórn stofnana og fyrirtækja á vegum bæjarins, kemur fram í nafni sveitarfélagsins og gætir hagsmuna þess og íbúa. Bæjarstjórn heldur reglulega fundi tvisvar í mánuði, að jafnaði fyrsta og þriðja fimmtudag hvers mánaðar, að sumarmánuðum undanskildum og fer þá bæjarráð með umboð hennar og afgreiðir mál. Bæjastjórn ræður málefnum sveitarfélagsins innan þeirra marka sem lög setja og samþykktir um stjórn og fundarsköp Fjarðabyggðar, en svo nefnast þær reglur sem sveitarfélagið hefur sett sér um stjórn þess og stjórnsýslu. Bæjarstjórnarfundir eru haldnir í fundarsal sveitarfélagsins að Hafnargötu 2, Reyðarfirði og hefjast kl. 16.00. Fundirnir eru opnir og er þeim útvarpað beint á vef sveitarfélagsins. 

Fulltrúar Fjarðalistans, Framsóknarflokks og Sjálfstæðisflokks eiga þrjá fulltrúa hver flokkur í bæjarstjórn. Meirihluta á kjörtímabilinu 2014 - 2018 mynda Sjálfstæðisflokkur og Framsóknarflokkur. 

Tengd skjöl

Baejarstjorn_2014_net

Bæjarstjórn kjörtímabilið 2014 - 2018. Talið frá vinstri Páll Björgvin Guðmundsson bæjarstjóri, Kristín Gestsdóttir, Pálína Margeirsdóttir, Eiður Ragnarsson, Jens Garðar Helgason, Jón Björn Hákonarson forseti bæjarstjórnar, Elvar Jónsson, Esther Ösp Gunnarsdóttir, Eydís Ásbjörnsdóttir og Valdimar O. Hermannsson.