99. fundur eigna- skipulags- og umhverfisnefndar

26.8.2014

Eigna- skipulags- og umhverfisnefnd - 99. fundur  

haldinn í fundarsal á bæjarskrifstofunum að Hafnargötu 2 á Reyðarfirði, mánudaginn 25. ágúst 2014 og hófst hann kl. 16:30

Fundinn sátu Eiður Ragnarsson formaður, Einar Már Sigurðarson, Esther Ösp Gunnarsdóttir, Óskar Þór Hallgrímsson og Valur Sveinsson.

Svanhvít Yngvadóttir boðaði ekki forföll.

Fundargerð ritaði Valur Sveinsson skipulags- og byggingarfulltrúi.

Dagskrá:

 

1.

1408022 - 100 ára afmæli kosningaréttar kvenna 2015

 

Lagður fram til kynningar tölvupóstur Ástu Ragnheiðar Jóannesdóttur framkvæmdarstjóra 100 ára kosningarrétts kvenna dagsettur 5. ágúst 2014.
Sveitarfélög, söfn og stofnanir í landinu eru hvött til að minnast þeirra mikilvægu réttinda sem kosningarétturinn er og 100 ára afmælisins 2015, með sýningum, málþingum, fyrirlestrum og öðrum viðburðum.

 

   

2.

1401245 - 730 - br. á Aðalskipulagi Fjarðabyggðar 2007-2027 vegna br. á landnotkun við Eyri í Reyðarfirði

 

Nefndin frestar afgreiðslu til næsta fundar.

 

   

3.

1408094 - 730 Hafnargata 5, byggingarleyfi, endurbætur

 

Lögð fram byggingarleyfisumsókn Jóns Ólafs Eiðssonar f.h. JDJ ehf dagsett 22. ágúst 2014,þar sem óskað er eftir heimild til að breyta innra skipulagi, fjölga útgönguleiðum og setja skilti á húsvegg Hafnargötu 5 á Reyðarfirði. Hönnuður er Trévangur ehf.
Nefndin samþykkir byggingaráformin og felur skipulags- og byggingarfulltrúa að gefa út leyfi þegar öll tilskilin gögn liggja fyrir.

 

   

4.

1407096 - 740 - Grænanesbakkar - Golfklúbbur Norðfjarðar

 

Lögð fram byggingarleyfisumsókn Gunnars Ásgeirs Karlssonar f.h. Golfklúbbs Norðfjarðar dagsett 23. júlí 2014 þar sem óskað er eftir heimild til að byggja 69.8 m2 og 107,5 m3 geymslu og skýli yfir æfingasvæði klúbbsins að Grænanesbökkum.
Nefndin samþykkir byggingaráform og felur skipulags- og byggingarfulltrúa að gefa út leyfi þegar öll tilskilin gögn liggja fyrir.

 

   

5.

1408074 - 740 - Nesgötu 3 - Breytt notkun

 

Lagt fram bréf/tölvupóstur Guðnýjar Þorfinnsdóttur dagsett 15. ágúst 2014 þar sem óskað er eftir að skráning á Nesgötu 3 verði breytt úr verslunarhúsnæði í íbúðarhúsnæði. Jafnframt er óskað eftir að stærð lóðarinnar verði endurskoðuð.
Nesgata 3 er samkvæmt aðalskipulagi innan svæðis V3/A5 sem er blanda verslunar- og þjónustusvæðis og athafnasvæðis.

Lagt fram minnisblað skipulags- og byggingarfulltrúa dagsett 25. ágúst 2014.
Nefndin getur ekki fallist á breytta notkun Nesgötu 3 með tilvísun í Aðalskipulag Fjarðabyggðar 2007-2027.

 

   

6.

1408095 - 740 Skuggahlíðarháls, byggingarleyfi, niðurrif húss

 

Lögð fram leyfisumsókn Freysteins Bjarnasonar umboðsmanns Tryggingarmiðstöðvarinnar hf. f.h. Herberts Benjamínssonar eiganda sumarhúss á lóð 9 í Skuggahlíðarhálsi í Norðfirði dagsett 22. ágúst 2014,þar sem óskað er eftir heimild til að rífa húsið sem er ónýtt eftir eldsvoða.
Umboð eiganda liggur fyrir.
Nefndin samþykkir umsóknina og felur skipulags- og byggingarfulltrúa að gefa út leyfi þegar öll tilskilin gögn liggja fyrir.

 

   

7.

1407075 - Breytingar í Stöðvarfjarðarskóla

 

Lögð fram til kynningar samþykkt tillaga mannvirkjastjóra um forgangsröðun viðhaldsframkvæmda. Til að mæta 5 milljón kr. aukakostnaði vegna framkvæmda við Stöðvarfjarðarskóla hefur bæjarráð samþykkt tillögu í minnisblaði.

 

   

8.

1407093 - Forkaupsréttur að húsi í Neskaupstað

 

Óskað hefur verið eftir afstöðu sveitarfélagsins til þess hvort Fjarðabyggð hyggist nýta sér forkaupsrétt að eigninni Egilsbraut 7 á Norðfirði, 0201 fastanúmer 216-9028.
Bæjarráð er sammála um að Fjarðabyggð nýti ekki forkaupsréttinn. Jafnframt hefur bæjarráð óskað eftir afstöðu eigna- skipulags- og umhverfisnefndar til þess hvort eignin Egilsbraut 7 verði áfram á forkaupsréttarlista.

Nefndin telur rétt að taka húsið af forkaupslista með tilliti til fram lagðra tillagna um deiliskipulag miðbæjar Norðfjarðar.

 

   

9.

1408056 - Hugmynd að skipulagi við ytri Þverá Eskifirði

 

Lagt fram bréf með hugmyndum Kristins Þórs Jónassonar að framtíðar tjald-, afþreyingar- og útivistarsvæði inn í Dal á Eskifirði dagsett 22. júlí 2014. Svæðið sem um ræðir er utan við Ytri Þverá.

Nefndin þakkar bréfritara sýndan áhuga á umhverfismálum Eskifjarðar en bendir á að umrætt svæði er skilgreint sem landbúnaðarsvæði samkvæmt Aðalskipulagi Fjarðabyggðar 2007-2027 og er innan grannsvæðis vatnsveitu Fjarðabyggðar á Eskifirði þar sem nýbyggingar eru ekki leyfðar. Nefndin tekur undir með bréfritara að núverandi tjaldsvæði sé of lítið og huga þurfi að úrbótum.

 

   

10.

1403118 - Lausaganga stórgripa

 

Lögð fram til kynningar drög að samþykkt um bann við lausagöngu stórgripa í Fjarðabyggð.

Nefndin vísar samþykktinni til umsagnar landbúnaðarnefndar.

 

   

11.

1408057 - Nýting sjóvarma

 

Lagður fram tölvupóstur frá Varmalausnum ehf, dagsettur 18. júní 2014, varðandi vinnu fyrirtækisins við úttekt á tækifærum til að nýta sjóvarma í Norðfirði. Lagt fram minnisblað mannvirkjastjóra dagsett 24. ágúst 2014.

Nefndin telur rétt að skoðuð verði hagkvæmni þess að setja upp og reka varmadælu til kyndingar fjarvarmaveitunnar á Norðfirði.

Mannvirkjastjóra falið að vinna málið áfram.

 

   

12.

1309129 - Sameiginleg markaðssetning skíðasvæðanna á Austurlandi

 

Lagt fram til kynningar bréf mennta- og menningarmálaráðuneytisins, dagsett 28.júlí 2014, er varðar skíðasvæðin í Oddsskarði og Stafdal en í bréfinu kemur fram að ráðuneytið getur ekki komið að uppbyggingu á svæðunum.

 

   

13.

1406159 - Starfsleyfi fyrir Samskip að Hafnargötu 5

 

Lagt fram ódagsett bréf Ásmundar Ásmundssonar f.h. áhugahóps um betri miðbæ þar sem fyrirhugaðri vöruflutningamiðstöð í miðbæ Reyðarfjarðar er mótmælt. Með bréfinu fylgja undirskriftarlistar um 200 íbúa þar sem þess er krafist að miðbær Reyðarfjarðar verði deiliskipulagður til samræmis við aðalskipulag og að bæjaryfirvöld komi í veg fyrir að vöruflutningamiðstöð rísi að nýju að Hafnargötu 5.

Nefndin samþykkir að hefja vinnu við breytingar á deiliskipulagi miðbæjar Reyðarfjarðar og deiliskipulag fiskihafnar Reyðarfjarðar til samræmis við aðalskipulag.

 

   

14.

1408037 - Strandgata 95 - bílastæði

 

Lögð fram tillaga frá Agli Helga Árnasyni, dagsett 13. ágúst 2014, varðandi fjölgun bílastæða við Randulffssjóhús. Bréfritari býðst til að leggja til land undir bílastæði neðan Strandgötu 95 gegn því að Fjarðabyggð sjái um alla framkvæmdina.

Nefndin þakkar bréfritara og felur mannvirkjastjóra að ræða við lóðarhafa og aðra hagsmunaaðila um heildarskipulag á svæðinu.

 

   

Fleira ekki gert. Fundi slitið kl. 18:45.