Framhaldsskólar

Í Verkmenntaskóla Austurlands í Neskaupstað eru fjölbreyttar námsleiðir í boði, bæði verklegar og bóklegar. Einnig er í boði bæði grunn-og viðbótarmenntun fyrir jafnt unga sem aldna. Verkmenntaskólinn sinnir breiðum hópi nemenda á öllum aldri. Við hann er heimavist og mötuneyti og ágætis aðstaða í nýlegu verkkennsluhúsi skólans. Heimavist er við skólann.

Í nágrannsveitarfélögum við Fjarðabyggð eru þrír framhaldsskólar, Menntaskólinn á Egilsstöðum, Framhaldsskólinn í Austur-Skaftafellssýslu og Hússtjórnarskólinn á Hallormsstað. Heimavist er við alla skólana. Þá eru daglegar strætósamgöngur á milli Fjarðabyggðar og Egilsstaða fyrir framhaldsskólanemendur við Menntaskólann á Egilsstöðum sem eru búsettir í Fjarðabyggð.