Grunnskólar

Í Fjarðabyggð eru fimm grunnskólar fyrir börn á grunnskólaaldrinum sex til fimmtán ára. Skólarnir eru Nesskóli í Neskaupstað, Grunnskóli Eskifjarðar, Grunnskóli Reyðarfjarðar, Grunnskóli Fáskrúðsfjarðar og Stöðvarfjarðarskóli, sem jafnframt er sameiginlegur grunn- og leikskóli.  Í Mjóafirði er rekin grunnskóladeild sem útibú frá Nesskóla. Upphaf skólastarfs grunnskólanna er að jafnaði auglýst á vef Fjarðabyggðar og í staðarblöðum í ágústmánuði og sérstakt bréf er sent forráðamönnum sex ára barna. Að öðru leyti er hægt að innrita börn allt árið um kring. 

Ferli umsóknar
Upplýsinga er leitað hjá hlutaðeigandi skóla og umsókn er skilað þangað. Í framhaldi af því er nemanda og foreldrum / forráðamönnum boðið í viðtal í skólann. Fylla þarf nákvæmlega út umsóknareyðublað um skólavist með umbeðnum upplýsingum.  Nemendur í Mjóafirði eru skráðir í Nesskóla. Umsóknareyðublað má nálgast hér á vef Fjarðabyggðar eða á vef hlutaðeigandi skóla, í þjónustugáttum bókasafna eða á bæjarskrifstofu.

 

 

Grunnskólarnir

 Skóli  Heimilsfang  Póstafang Sími Netfang Vefsíða
Nesskóli Skólavegi 9 740 Neskaupstaður 477 1124 nes@skolar.fjardabyggd.is  nesskoli.is 
Grunnskóli Eskifjarðar Lambeyrarbraut 16 735 Eskifjörður 476 1355 esk@skolar.fjardabyggd.is  grunnesk.is
Grunnskóli Reyðarfjarðar Heiðarvegi 14a 730 Reyðarfirði 474 1247 rey@skolar.fjardabyggd.is  grunnrey.is 
Grunnskóli Fáskrúðsfjarðar Hlíðargötu 56 750 Fáskrúðsfjörður 475 9020 fask@skolar.fjardabyggd.is  fask.is
Stöðvarfjarðarskóli Skólabraut 20 755 Stöðvarfjörður 475 9030 sto@skolar.fjardabyggd.is stodvarfjordur.is